МЗКЦ / "Яндэкс"
26 кастрычніка работнікам МЗКЦ забароняць выходзіць са сваіх кабінетаў і будынка завода без дазволу начальнікаў, расказаў Еўрарадыё супрацоўнік прадпрыемства.
— Загад ад адміністрацыі завода. У прыватнасці, нам пра яго расказалі ва ўпраўленні галоўнага канструктара.
Загад начальства ніяк не змагло абгрунтаваць. Проста ў панядзелак, каб выйсці з кабінета, трэба будзе прасіць дазволу начальніка. Калі трэба выйсці з будынка — іншага начальніка, — кажа працаўнік МЗКЦ.
Ён дадае, што рабочыя на прадпрыемстве вельмі незадаволеныя сітуацыяй.
Памочнік генеральнага дырэктара МЗКЦ па агульных пытаннях Аляксандр Гук у каментары Еўрарадыё адмаўляе з'яўленне падобных загадаў.
Нагадаем, менавіта ў наступны панядзелак, 26 кастрычніка Святлана Ціханоўская заклікае беларусаў да страйку ў выпадку невыканання ўладамі патрабаванняў Народнага Ультыматуму.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.