У бліжэйшыя дні ў Беларусі будзе цёпла, але працягнуцца дажджы і навальніцы. Пра гэта ў Facebook піша Дзмітрый Рабаў, начальнік службы гідраметэаралагічных прагнозаў Рэспубліканскага цэнтра па гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.
Ён нагадвае, што ў пачатку траўня ў нашай краіне было надвор'е, якое больш адпавядае пачатку чэрвеня. Цяпер жа стане больш ападкаў на паўднёвым захадзе, менш — на паўночным усходзе.
У суботу, 14 траўня, амаль па ўсёй Беларусі прагназуюцца кароткачасовыя дажджы, а ў асобных раёнах — навальніцы. Уначы будзе 6-12 градусаў са знакам плюс, удзень — +14-19 градусаў, месцамі — да 22 цяпла (у Мінску чакаецца 10-12 цяпла ўначы і 16-18 градусаў удзень).
У нядзелю, 15 траўня, на большай частцы тэрыторыі нашай краіны магчымыя дажджы, а месцамі дажджы моцныя. Навальніцы магчымыя толькі ў асобных раёнах. У начныя гадзіны прагназуецца ад 6 да 12 градусаў вышэй за нуль, у дзённыя — 12-19 цяпла (у сталіцы — 9-11 цяпла ўначы і 15-17 градусаў удзень, магчымая навальніца).
У панядзелак, 16 траўня, кароткачасовыя дажджы магчымыя толькі месцамі, прагназуюцца навальніцы. Уначы чакаецца 3-10 градусаў са знакам плюс, а ўдзень — ад плюс 11 на паўночным захадзе да 19 цяпла па ўсходзе Беларусі.