П'яны жыхар Брэста за ноч учыніў дзве аўтааварыі. 32-гадовы мужчына на аўтамабілі "Фольксваген Шаран", выязджаючы на вуліцу, не саступіў шлях "Аўдзі" і здзейсніў "дробнае" дарожна-транспартнае здарэнне. Як толькі ён пачуў, што кіроўца "Аўдзі" выклікае ДАІ, адразу ж з'ехаў.
Далей, разварочваючы аўтамабіль на Цэнтральнай вуліцы, кіроўца закрануў 24-гадовую дзяўчыну, якая ішла па краі праезнай часткі. Ад удару яна ўпала ў снег. На шчасце, абышлося без траўмаў. Легкавік нават не спыніўся.
Пошукам зламысніка заняліся нарады ДАІ. У выніку, з дапамогай супрацоўнікаў Дэпартамента аховы, яго затрымалі на вуліцы Суворава. Медасведчанне паказала, што кіроўца быў п'яны (3,6 праміле). Да таго ж, ён не меў права на кіраванне транспартным сродкам. Раней яго неаднаразова затрымлівалі за рулём у стане алкагольнага ап'янення. У адносінах мужчыны склалі 8 адміністрацыйных пратаколаў, інфармуе прэс-служба ДАІ Брэсцкай вобласці.