Нецвярозая кіроўца, якая везла ў аўто двухгадовае дзіця, трапілася інспектарам ДАІ ў Гродне. Пра гэта паведамляе БЕЛТА са спасылкай на ўпраўленне ДАІ УУС Гродзенскага аблвыканкама.
На вуліцы Агінскага даішнікі спынілі аўтамабіль, якім кіравала жанчына, не была прышпіленая рамянём бяспекі. У аўтамабілі знаходзілася яе двухгадовае дзіця. Парушальніцы прапанавалі аплаціць штраф. Аднак пры гэтым інспектар звярнуў увагу на стан жанчыны: яна выглядала нецвярозай. Праверка пацвердзіла падазрэнні міліцыянта: утрыманне алкаголю перавышала дапушчальную мяжу больш чым удвая.
Жанчына распавяла, што ўвечары выпіла літр піва, а зранку — яшчэ 250 грамаў. Потым яна ўзяла дзіця і паехала рабіць пакупкі. Нядаўна гродзенка атрымала ключы ад новай кватэры і хацела купіць кухню для яе.