Еўрарадыё знайшло пяць самых дзіўных лічбаў беларускага хакея.
18,1 млн долараў
Прыкладна такія грошы, па словах кіраўніка дзяржавы, ідуць на хакей, "а аддачы ніякай!". Паводле слоў Лукашэнкі, гэта 18% ад усіх выдаткаў на фізкультуру і спорт у бюджэце.
107 130 рублёў
Столькі заплаціў за 400 хакейных клюшак ў 2016 годзе хакейны клуб "Брэст". Клуб заняў апошняе месца ў Экстралізе. Уся яго экіпіроўка каштавала ў тры разы больш (прыкладна 334 000 рублёў).
4700 рублёў
Столькі каштавала кожная з 71-й шайбы, закінутай ХК "Брэст" у Экстралізе ў пераліку на грошы, выдаткаваныя на экіпіроўку каманды. Гэта прыкладна як дзве хакейныя шайбы, адлітыя ў срэбры.
3 млн долараў
Столькі, па словах старшыні федэрацыі хакея, абыходзяцца легіянеры хакейнаму клубу "Дынама-Мінск".
3 199 067 рублёў
Столькі "Мінск-арэна" заплаціць за электрычнасць у 2017 годзе. Ацяпленне арэны абыдзецца у 907 763 рублёў.