Прызначаны новы галоўны трэнер ФК "Гомель". Ім стаў 48-гадовы Уладзімір Нявінскі, які ў мінулым сезоне працаваў памочнікам галоўнага трэнера ў гродзенскім "Нёмане". Тэрмін пагаднення разлічаны на 2 гады, паведамляе клубная прэс-служба.
Ранейшы галоўны трэнер "Гомеля" Іван Біёнчык у снежні стаў галоўным трэнерам салігорскага "Шахцёра".
Нявінскі за сваю кар'еру звычайна быў у трэнерскім штабе (у 2009-2017 гг. працаваў у БАТЭ), галоўным трэнерам ён працаваў у сталічным "Тарпеда".
Новы галоўны трэнер "Гомеля" спадзяецца сабраць "баяздольны калектыў для вырашэння высокіх задач". У 2021-м каманда заняла ў чэмпіянаце 4-е месца.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут