Аляксандр Лукашэнка ў першым шэрагу справа / Telegram
Аляксандр Лукашэнка знаходзіцца на саміце Арганізацыі Аб'яднаных Нацый па змяненні клімату ў Аб'яднаных Арабскіх Эміратах. У Дубаі кіраўнікі краін рабілі агульнае фота. Лукашэнка апынуўся ў першым шэрагу.
Як піша lrt.lt, прэзідэнты Літвы, Латвіі і Польшчы байкатавалі агульную фотасесію з-за прысутнасці Аляксандра Лукашэнкі. "Было б крывадушна стаяць плячом да пляча з кіраўніком дзяржавы, якая стала плацдармам агрэсіі Расіі супраць Украіны, і як ні ў чым не бывала абмяркоўваць будучыню міру і змяненне клімату, — каментуе літоўскі прэзідэнт Гітанас Наўседа. — Беларускі рэжым спрыяе разбурэнню будучага свету і разам з Расіяй нясе адказнасць за тое, што адбываецца ва Украіне — ад гібелі людзей да катастрафічнага ўзьдзеяння на навакольнае асяроддзе... Гэта называецца сямейным фота. Лукашэнка не належыць да той сям'і, да якой мы хочам належаць".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут