Раніцай аднаўленчыя работы яшчэ працягваліся / @Minenergo_by
З-за моцнага ветру і завеі праблемы з электрычнасцю ў мінулыя суткі ўзнікалі ў дзясятках населеных пунктах краіны. Пра гэта распавялі ў Міністэрстве энергетыкі Беларусі. Там адзначылі, што "парушэнні электразабеспячэння зафіксаваныя ў 45 населеных пунктах, на 221 трансфарматарнай падстанцыі, 10 фермах, 4 кацельнях".
Па дадзеных на 6 гадзін раніцы, аднаўленчыя работы працягваліся яшчэ ў 10 населеных пунктах.
Сёння сіноптыкі таксама папярэджваюць аб неспрыяльнай гідраметэаралагічнай з'яве. Па паўночна-ўсходняй палове краіны чакаецца моцны снег. Магчымыя абрывы ліній сувязі і электраперадач, цяжкасць руху транспарту, рост колькасці ДТЗ, а таксама падзенне дрэў, абвальванне дахаў будынкаў і збудаванняў, кажуць у МНС.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут