У Германіі ў аўтамабілі Saab, у якім ехаў беларус, знайшлі 15 кг амфетаміна на суму каля 70 тысяч еўра. Больш таго, паліцэйскія западозрылі, што 37-гадовы мужчына быў у стане наркатычнага ап'янення. І медыцынскае асведчанне гэта пацвердзіла. Як паведамляе presseportal.de, здарэнне адбылося ў горадзе Порта-Вестфаліка ў зямлі Паўночны Рэйн-Вестфалія. Наркотыкі былі схаваныя ў прадуктах харчавання.
Беларус прызнаўся нямецкім паліцэйскім, што з'яўляецца наркакур'ерам. Наркотыкі ў Германію ён прывёз з Нідэрландаў. Увагу паліцыі ён прыцягнуў сваім неадэкватным станам.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.