Рэжым рыхтуе кадры для сілавых структур / sb.by
У Касцюковічах на Магілёўшчыне ўлады арганізавалі прапагандысцкую акцыю, падчас якой школьнікі складалі "клятву на вернасць Айчыне". Гэта паўсотні хлопцаў і дзяўчат, якіх набралі ў "ваенна-патрыятычны клуб "Зубр". Іх апранулі ў адмысловую форму з чырвона-зялёнай сімволікай і прывялі да мемарыяльнага комплексу ахвярам вайны. Там быў праваслаўны святар, з Мінска прыехаў прапагандыст Ігар Марзалюк.
"Мне прыемна бачыць вас у форме. Насіць форму — гэта гонар, а не ганьба", — цытуе словы Марзалюка sb.by.
Сетка падобных клубаў разбудоўваецца рэжымам па ўсёй Беларусі. Іх выкарыстоўваюць для ідэалагічнай апрацоўкі моладзі, для падрыхтоўкі кадраў для сілавых структур.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут