На мяжы з Беларуссю Польшча плануе паставіць сцяну вышынёй 2,5 метра. Пра гэта напісаў у Твітары міністр абароны Польшчы Марыюш Блашчак. Дарэчы, працягласць беларуска-польскай мяжы 398,6 км.
Таксама ён паведаміў, што ў дапамогу памежнікам будзе накіравана яшчэ больш салдатаў.
Між тым урад Літвы 23 жніўня прызначыў кампанію EPSO-G падрадчыкам на будаўніцтве плота на беларуска-літоўскай мяжы. Яе працягласць — 678,8 км. Праўда, плот будзе карацейшым — усяго 508 км.
Сумарная працягласць сцен і платоў, якімі суседзі хочуць адгарадзіцца ад Беларусі, — больш за 900 км.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут