Міністр абароны Польшчы Марыюш Блашчак з вайскоўцамі / PAP
Яшчэ тысячу вайскоўцаў накіруе Мінабароны Польшчы на мяжу з Беларуссю. Пра гэта паведамляе інфармагенцтва PAP.
Міністр абароны Польшчы Марыюш Блашчак даручыў накіраваць дадатковыя войскі "ў сувязі з дынамічнай сітуацыяй на польска-беларускай мяжы і запытам каменданта памежнай службы аб узмацненні ўдзелу ў ахове мяжы".
7 жніўня намеснік кіраўніка МУС Польшчы Мацей Вонсік паведаміў, што памежная служба краіны папрасіла ўмацаваць мяжу з Беларуссю тысячай салдатаў. Таксама ён адзначыў, што мігранты, якія хочуць прарвацца з тэрыторыі Беларусі ў ЕС вядуць сябе ўсё больш агрэсіўна ў дачыненні да польскіх памежнікаў. Як распавядала Еўрарадыё, мігранты сталі выкарыстоўваць петарды супраць польскіх патрулёў.
Пасля прыбыцця новых вайскоўцаў агулам іх колькасць на мяжы складзе 3000 чалавек.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут