Дрон каля мяжы / t.me/gpkgovby
Пінскія памежнікі на беларускай тэрыторыі збілі дрон, які ляцеў з украінскага боку на тэрыторыю Беларусі. Як паведамляе прэс-служба Памежнага камітэта, здарэнне адбылося 16 лістапада ў Кобрынскім раёне за 100 метраў ад дзяржаўнай мяжы.
Квадракоптар удалося збіць з аўтамата Калашнікава. Дрон быў абсталяваны відэакамерай. Паведамляецца, што з яго вялася разведка і здымкі тэхнічных сродкаў аховы мяжы на тэрыторыі Беларусі.
Памежнікі нагадваюць, што папярэдні дрон — парушальнік мяжы яны пасадзілі 2 лістапада ў Гомельскім раёне.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут