Футбалісты ўкраінскага "Міная" / fcminaj.com
Пасля бойкі з украінцамі ў Турцыі расійскую каманду выселяць з гатэля. Бойка футбалістаў пачалася пасля некарэктных паводзін п'янага расіяніна. Як піша "Трыбуна", у ёй удзельнічалі гульцы ўкраінскага "Міная" і расійскага "Шынніка" (яны знаходзяцца ў Турцыі на зборах). Пры засяленні ўкраінская каманда дамовілася з арганізатарамі, каб у гатэлі не было ніводнай каманды з Расіі. Аднак пасля землятрусу ўзніклі праблемы з гасцініцамі, таму "Шыннік" засялілі туды ж, дзе быў "Мінай".
Па адной з версій, украінец зрабіў заўвагу расіяніну з-за яго "некарэктных паводзін" у дачыненні персанала гатэля. Той быў п'яны і паводзіў сябе па-хамску. Прабачэння ён не стаў прасіць і яго "проста прыбіў" футбаліст "Міная". Расіянін прывёў на "разборкі" аднаклубнікаў. У выніку адбылася бойка, у якой перамаглі ўкраінцы. Яна адбывалася пад музыку "Дапаможа ЗСУ!".
Па версіі расійскіх футбалістаў, гульцы "Міная" нібыта "правакавалі іх праўкраінскімі лозунгамі" і спецыяльна рыхтаваліся да бойкі, ведаючы пра прыбыццё расіян. Ёсць звесткі, што расіянам спатрэбілася меддапамога.
To see this content visit the full version of this page.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут