Пажар на прадпрыемстве ў Кіеўскай вобласці / @dsns_telegram
У Кіеўскай вобласці ратавальнікі больш за суткі тушаць пажар на прамысловым прадпрыемстве, паведамляе Hromadske. Пажар пачаўся пасля расійскага нападу — ва ўкраінскай службе па надзвычайных сітуацыях раней казалі, што ўзгаранне здарылася "з прычыны падзення абломкаў".
У чацвер на ліквідацыі пажару працавалі каля 250 пажарных, 98 адзінак тэхнікі і чатыры пажарныя цягнікі.
У ноч на 12 чэрвеня расіяне нанеслі па Украіне ракетна-авіяцыйны ўдар. Былі прыменены ракеты паветранага і наземнага базіравання, а таксама ўдарныя беспілотнікі. Украінскія вайскоўцы збілі 29 з 30 паветраных цэляў. Па Кіеве былі выпушчаныя крылатыя ракеты Х-101/Х-555/Х-55. Для іх запуску выкарыстоўваліся стратэгічныя бамбавікі Ту-95МС. У Крывым Рогу ракета патрапіла ў жылы сектар. Вядома аб 9 загінуўшых і 29 пацярпелых. Сярод параненых — пяцёра дзяцей.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут