У ноч на 19 верасня ў Быхаўскім раёне каля вёскі Перакладавічы "Мерсэдэс-190" урэзаўся ў бетонны слуп лініі электраперадач. Як інфармуе прэс-служба МНС, здарэнне адбылося каля 3.30 ночы.
У аўтамабілі былі 28-гадовы кіроўца і пасажыр. Пасажыр змог выбрацца з аўто самастойна да прыбыцця ратавальнікаў, а кіроўца апынуўся заблакаваным.
Ратавальнікі дэблакавалі кіроўцу. З траўмамі рознай ступені цяжкасці медыкі шпіталізавалі яго ў Быхаўскую цэнтральную раённую лякарню.
Акалічнасці ДТЗ высвятляюць супрацоўнікі ДАІ Быхаўскага РАУС.