Галасаванне
Рашэнне афіцыйнага Мінска не запрашаць назіральнікаў ад АБСЕ на будучыя "выбары" супярэчыць міжнародным абавязацельствам Беларусі і інтарэсам яе народа. Пра гэта гаворыцца ў заяве Бюро па дэмакратычных інстытутах і правах чалавека (БДІПЧ) і Парламенцкай асамблеі (ПА) АБСЕ.
Кіраўнікі гэтых еўрапейскіх структурай выказалі "глыбокае шкадаванне" і "занепакоенасць" рашэннем рэжыму Лукашэнкі.
Дырэктар БДІПЧ Матэа Мекачы мяркуе, што гэта перашкодзіць грамадзянам Беларусі "атрымаць бесстароннюю, празрыстую і ўсебаковую ацэнку" правядзення будучых "выбараў".
Старшыня ПА АБСЕ Піа Каума кажа, што рашэнне афіцыйнага Мінска "выклікае занепакоенасць і супярэчыць інтарэсам беларускага народа". Яна заклікае рэжым Лукашэнкі да большай адкрытасці.
Як распавядала Еўрарадыё, 8 студзеня афіцыйны Мінск заявіў, што запросіць назіраць за "выбарамі" місію Парламенцкай асамблеі АДКБ, а місію АБСЕ запрашаць не плануе.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут