Дабрачынны кірмаш распачынаецца сёння ў Мінску ў касцёле Святога Роха. На кірмашы будуць збіраць сродкі на працяг рэстаўрацыі пацярпелага ад пажару Будслаўскага касцёла.
Кожнага ахвотнага запрасілі прыносіць на кірмаш свае падарункі і вырабы, і кожны ахвотны можа ўзяць іх сабе за любую суму ахвяравання. Да сённяшняга дня збіралі падарункі, цяпер кірмаш афіцыйна адкрыты. Набываць падарункі можна будзе цягам шасці дзён з 9:00 да 18:00.
Першапачаткова планавалася, што кірмаш пройдзе і ў самім Будславе, але пакуль няма дазволу пускаць людзей унутр будынку. Таму кірмаш вырашылі правесці ў цэнтры Мінску. Тых жа вернікаў, якія ўсё ж захочуць зладзіць падарожжа ў сам Будслаў, там будзе чакаць Батлейка і навагодняя ялінка.
Каталіцкая святыня Беларусі гарэла ў траўні. Агонь ахапіў і абрынуў дах касцёлу. Беларусы ўжо сабралі на адноўленне касцёла больш за мільён рублёў.
To see this content visit the full version of this page.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут