На волю выйшаў Глеб Фіцнер — першы з дванаццаці асуджаных па "справе студэнтаў". Ён цалкам адбаў пакаранне — 2 гады калоніі агульнага рэжыму.
Хлопцу цяпер 23 гады. Ён вучыўся ў лінгвістычным універсітэце ў Мінску. У "чорны чацвер" 12 лістапада 2020 года затрыманы адначасова з іншымі фігурантамі справы.
На судзе Глеб адзіны прызнаў віну, таму атрымаў на паўгода менш, чым астатнія студэнцкія актывісты. Іншых чакаем на волі ў лістападзе 2022-га.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут