На мінскім стадыёне "Дынама" чарговы раз перарабілі сістэму ліўнёўкі, піша tut.by.
Як распавядала Еўрарадыё, падчас рэканструкцыі стадыёна дажджавыя трубы на ім вывелі так, што вада сцякала на трыбуны — на галовы і спіны гледачоў з інваліднасцю. Калі пра гэта распавялі ў СМІ, супрацоўнікі стадыёна проста павярнулі вадасцёкавыя трубы ў іншы бок.
Цяпер пад трубамі зрабілі вадасцёк: дажджавая вада з трубы трапляе ў яго, а потым... на праходы паміж трыбунамі.