Віцебскі знак "нулявы кіламетр", які знік некалькі гадоў таму, прадаюць праз вядомы сайт "Куфар", піша vkurier.by.
Знак быў усталяваны на плошчы Перамогі ў 2001 годзе перад "Славянскім базарам" з ініцыятывы камітэта па аўтамабільных дарогах Беларусі. У 2009 годзе падчас рэканструкцыі плошчы знак знік.
І вось праз восем гадоў ніжняя частка знака знайшлася на сайце "Куфар".
Просяць за віцебскую славутасць 2000 рублёў (каля 1000 долараў). Абвестка аб продажы з'явілася 7 студзеня. Прадавец не расказаў, адкуль у яго частка віцебскага помніка. Але ён дадаў, што наконт пакупкі да яго ўжо звярталіся.