На Мазырскім НПЗ здарылася ўзгаранне. Інцыдэнт адбыўся ў суботу, 17 снежня, у сярэдзіне дня. Праз тры хвіліны пасля выкліку на месца прыбылі шэсць адзінак выратавальнай тэхнікі, а ўсяго было накіравана болей за 15 аўтамабіляў МНС.
На момант прыбыцця першых падраздзяленняў на зямлі на плошчы 50 квадратных метраў адбывалася гарэнне вакуумнага газойля. Выратавальнікі адразу пачалі тушыць гаручае рэчыва. Дзякуючы сумесным дзеянням супрацоўнікаў МНС і работнікаў завода ўзгаранне аператыўна ліквідавалі. Пацярпелых няма, тэхналагічны працэс парушаны не быў.
Высвятляюцца прычыны ўзгарання, паведамляе прэс-служба МНС.