Незвычайная абвестка з'явілася на сайце Onliner у раздзеле "Барахолка". Там на продаж былі выстаўленыя... беларускія ўніверсітэты. Пакупніку прапануюць купіць БДЭУ, БДУФК, БДУІР, БрДТУ, БДУ, БДМУ.
Праўда, адміністрацыя сайта даволі хутка прыбрала абвесткі, аднак у сацсетках з'явіліся скрыны.
Пра БДУ, напрыклад, паведамляецца:
"З мінусаў: небяпечна збірацца на чаяпіцці.
З плюсаў: эмпірычна не парверана, але піць каву можна, галоўнае, каб латэ-арт на вашай каве не змяшчаў экстрэмісцкіх сімвалаў".
Пра медуніверсітэт:
"Купляючы БДМУ, уладальнік набывае магчымасць звальняць ці адлічваць каго захоча. Гэта вашая сям'я, і ВЫ вызначаеце ў ёй правілы".
Пра БДЭУ:
"У падарунак вы таксама атрымаеце чырвона-зялёныя сцягі, якія віселі на фасадах, што згуляе вам на руку падчас праверак санэпідэмстанцыі, МНС і іншых".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут