Школа №10 у Жлобіне / "Флагшток"
У Жлобіне, верагодна, адбылося самагубства падлетка. Пра гэта піша выданне "Флагшток".
Паводле звестак тг-канала "Свабодны Жлобін", трагедыя здарылася ў школе №10: "З'явілася інфармацыя, што дзяўчынка з 8-га класа здзейсніла самагубства. У школе працуюць следчыя. Апытваюць аднакласнікаў, настаўнікаў. Таксама ідзе праца з бацькамі дзяўчынкі".
Паводле неафіцыйных звестак, у перадсмяротнай запісцы дзяўчынка абвінаваціла ў сваёй смерці школу і бацькоў. Паведамляецца, быццам яна павесілася на ланцужку для выгулу сабак.
Афіцыйнай інфармацыі пра трагедыю няма.
Раней у афіцыйных крыніцах адзначалася, што ў Гомельскай вобласці вырасла колькасць дзіцячых і падлеткавых суіцыдаў. Летась у вобласці пакончылі з сабой сем падлеткаў, а ў першыя месяцы 2026 года адбыліся два выпадкі самагубства непаўналетніх.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут