МЗС Германіі / Global Look Press
Берлін працуе над справай грамадзяніна ФРГ Рыка Крыгера, асуджанага ў Беларусі да смяротнага пакарання. Пра гэта на ўрадавай прэс-канферэнцыі ў Берліне паведаміў прадстаўнік МЗС ФРГ Крысціян Вагнер.
"Мы займаемся яго лёсам і з самага пачатку аказваем яму інтэнсіўную консульскую падтрымку. А таксама актыўна абараняем яго інтарэсы перад беларускімі ўладамі", — перадае DW словы нямецкага дыпламата.
Вагнер не агучыў падрабязнасці і ўхіліўся ад адказу на пытанне пра магчымыя прапановы Мінска наконт лёсу асуджанага грамадзяніна Германіі. Ён прапанаваў журналістм набрацця цярпення.
Дыпламат дадаў, што Берлін падтрымлівае дыпламатычныя стасункі з Беларуссю, хаця і не прызнае Лукашэнку прэзітэнтам краіны: "У нас ёсць амбасада ў Мінску, яна дзеючая і працуе. Даная консульская падтрымка ажыццяўляецца на месцы". Паводле Вагнера, консульская дапамога ўключае ў сябе "кантакты з затрыманым, кантакты з чальцамі сям'і, адвакатамі, наведванне турмаў і абмеркаванне ўмоў утрымання з уладамі".
Рыка Крыгера прысудзілі да расстрэлу, абвінаваціўшы па шасці артыкулах Крымінальнага кодэкса. Паводле беларускіх прапагандыстаў, ён нібыта атрымаў заданне ад СБУ правесці разведку і сфатаграфаваць лагер пад Асіповічамі.
МЗС Беларусі казаў, што Германіі прапанавалі "канкрэтныя рашэнні па наяўных варыянтах развіцця сітуацыі".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут