Мінкульт не дазволіць перафарбоўваць Чырвоны дворык

Чытаць болей: Культовый "Красный дворик" в центре Минска перекрасят в розовый цвет

Днямі будаўнікі апрабавалі новую фарбу на адной са сцен дворыка, і яна аказалася ружовай.

"Вельмі многія занепакоеныя тым, што страціцца каларыт і атмасфера тэрыторыі дворыка, — заўважае Наталля Хвір. — Мы таксама неабыякавыя да сітуацыі. Я сёння там была, была і раней. Тады тон быў менш яркі. Казаць, якая фарба правільная, складана. Але апошнія пяць гадоў ён чырвоны, і гісторыя яго склалася. Усім падабаецца. [З боку ўласнікаў] Будзе катэгарычна няправільна настойваць на ружовым колеры".

Чытаць болей: “После жёлтых ваз логично”. Как минчане реагируют на перекраску Красного дворика

У цяперашнім праекце рэканструкцыі Чырвонага дворыка не напісана, якім павінен быць колер — ружовым або чырвоным, там пазначана міжнародная маркіроўка. Будаўнікі кажуць, што яны зрабілі пробу колеру на аснове гэтых рэкамендацый.

Мінкульт прапанаваў уласнікам змяніць праект і абяцае зацвердзіць чырвоны колер. "Калі ўласнікі не ўнясуць змены, мы яшчэ раз прапануем, каб яны пакінулі яго чырвоным. Мне здаецца, вельмі няправільна ўчыняць канфліктныя сітуацыі на роўным месцы", — сказала Наталля Хвір.