Ад залеваў і моцнага ветру 8 жніўня найбольш пацярпелі Мінск і Віцебская вобласць. У некаторых раёнах былі зафіксаваныя адключэнні электраэнергіі, інфармуе прэс-служба Міністэрства па надзвычайных сітуацыях.
Дождж, які прайшоў у Мінску з 12:00 да 15:00, падтапіў 10 участкаў дарог. У Заводскім і Партызанскім раёнах сталіцы выпала пятая частка месячнай номы ападкаў (16 мм пры сярэднямесячнай норме 81 мм). У выніку затаплення дарог спынілі 14 аўтобусных і 18 тралейбусных маршрутаў — перапынак у руху дасягаў дзвюх гадзін.