Прэзідэнт Узбекістана Шаўкат Мірзіёеў запрасіў Аляксандра Лукашэнку ў 2018 годзе наведаць з візітам Узбекістан, паведамляе БЕЛТА. Запрашэнне было перададзенае падчас перамоваў у Сочы 11 кастрычніка. Па словах Мірзіёева, гэта павінен быць гістарычны візіт.
Прэзідэнт Узбекістана даручыў членам урада правесці неабходную працу па падрыхтоўцы візіта беларускага кіраўніка.
Мірзіёеў дадаў, што ў лютым 2018 года ва Узбекістане пройдуць Дні культуры Беларусі.
Акрамя таго, сёння стала вядома, што Узбекістан плануе даслаць у Беларусь свайго амбасадара.