Мінскі холадакамбінат № 2 выпусціў марозіва ў выглядзе футбольнага мяча. Як інфармуе сайт minsknews.by, яго замовілі з Расіі да чэмпіянату свету па футболе (ён стартуе 14 чэрвеня).
Дырэктар прадпрыемства Аляксандр Рубінаў кажа, што гэта фактычна ручная праца: "Пламбір заліваецца ў дзве вафельныя сферы, якія пасля злучаюцца". Расіяне прадуктам засталіся задаволеныя і просяць "зрабіць марозіва паболей".
Дарэчы, экспарт марозіва, якое сёлета выпусціў Мінскі холадакамбінат № 2, склаў 40%.