Пад'езд у Заводскім раёне Мінска / @mog_drive_chat
Фотаздымкі 288 беларускіх палітвязняў і іх гісторыі з'явіліся ў адным з пад'ездаў Заводскага раёна Мінска. Адны суседзі таксама нагадалі іншым суседзям артыкулы Канстытуцыі РБ аб правах і свабодах грамадзян, паведамляе @mog_drive_chat. Паглядзіце, як здорава атрымалася!
На 21 сакавіка 288 беларусаў несправядліва знаходзіцца ў турме. Праваабаронцы прызналі іх палітвязнямі. Гэта журналісты, блогеры, бізнесмены, праграмісты, студэнты, палітыкі, актывісты і валанцёры штабаў кандыдатаў у прэзідэнты, удзельнікі акцый пратэстаў.
"Вялікая частка гэтых людзей трапіла пад палітычна матываваны крымінальны пераслед у сувязі падзеямі, якія разгарнуліся падчас і пасля кампаніі па выбарах прэзідэнта Беларусі ў 2020 годзе", — піша праваабарончы цэнтр "Вясна".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.