Затрыманне ўдзельнікаў скандалу / кадр з відэа ГУУС Мінгарвыканкама
Дзве кампаніі мінскіх падлеткаў у Заводскім раёне ва ўзросце ад 14 да 17 гадоў пасварыліся праз дзяўчыну. Адзін з хлопцаў паклікаў свайго 18-гадовага прыяцеля, які прыйшоў разам са сваімі сябрамі.
Ён прымусіў двух падлеткаў стаць на калені і папрасіць прабачэння ў яго таварышаў, потым збіў і памачыўся на іх. Свае дзеянні юнак папрасіў зняць на відэа, якое планаваў выкласці ў сацсеткі.
Па гарачых слядах міліцыянты разам з вайскоўцамі суседняй часці затрымалі кампанію, паведамляе прэс-служба ГУУС Мінгарвыканкама. Яны пачалі крымінальную справу за хуліганства.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут