Віленскі аэрапорт / the-passenger.de
Метэазонд з кантрабанднымі цыгарэтамі ўпаў на тэрыторыі аэрапорта Вільні. Гэта адбылося ўвечары ў суботу, 28 верасня.
Прыкладна ў 23:45 службы аэрапорта заўважылі ў паветры невялікі паветраны балонік з грузам. Неўзабаве ён упаў на тэрыторыі аэрапорта. Сцвярджаецца, што балонікам ніхто не кіраваў, і што ён прыляцеў з тэрыторыі Беларусі.
Інцыдэнт не перашкодзіў працы аэрапорта.
Дэпутат Сейма Літвы Дайніс Гаджаўскас сцвярджае, што толькі за мінулы тыдзень з Беларусі ў Літву прыляцела больш за 150 метэазондаў з грузамі вагой да 50 кг. І што яны могуць свабодна праляцець углыбіню літоўскай тэрыторыі на 60 км.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут