Дзіцячы хірургічны цэнтр / БЕЛТА
18 чэрвеня медыкі прааперавалі двух пацыентаў, пацярпелых падчас атакі на беларускі аўтобус у Бранскай вобласці.
Параненае дзіця аперавалі ў РНПЦ дзіцячай хірургіі. Аперацыя, якую праводзіла мультыдысцыплінарная каманда, заняла амаль пяць гадзін.
Дарослага пацыента аперавалі ў галоўным ваенным медыцынскім клінічным цэнтры №432 Узброеных Сіл.
"Стан кожнага з іх у раннім пасляаперацыйным перыядзе досыць стабільны", — пракаментаваў журналістам міністр аховы здароўя Аляксандр Хаджаеў. Ён выказаў надзею, што і пасляаперацыйны перыяд будзе працякаць даволі пазітыўна.
У выніку дронавага ўдару па беларускім аўтобусе 17 чэрвеня некалькі чалавек атрымалі траўмы. Шасцёра шпіталізаваных (пяцёра дзяцей і адзін дарослы) былі дастаўленыя ў Мінск 18 чэрвеня.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут