Катлеты ў Мазыры / @lakomkafamily
Мазырскі саўгас-камбінат "Зара" перайменаваў частку прадукцыі з "украінскімі" назвамі, піша "Флагшток".
Увагу на гэта звярнула адна з жыхарак горада. У сваім аказнце ў TikTok жанчына расказала, што ў краме "Дары ад "Зары", дзе прадаецца прадукцыя камбіната, катлеты "Палтаўскія" цяпер прадаюцца пад назвай "Далікатныя", а "Кіеўскія" называюцца "Смачныя з маселкам".
У адной з крамаў прадпрыемства журналістам пацвердзілі, што назвы катлет памяняліся. Але пры гэтым запэўнілі, што інгрэдыенты засталіся цалкам тымі ж.
Прычыну перайменавання ў краме не назвалі — сказалі, што так вырашыла кіраўніцтва.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут