Макс Корж з’ездзіў ва Украіну, нягледзячы на забарону. Пра гэта сведчаць фотаздымкі, якія вядомы беларускі рэпер зрабіў у Кіеве і апублікаваў у Instagram. Як вядома, Корж выступаў з канцэртамі ў Крыме (ужо пасля таго, як ён трапіў пад кантроль Расіі), за што ў лютым 2016-га ва Украіне яго і ўнеслі на 5 гадоў у “чорны спіс”. Якім чынам яму ўдалося абмінуць гэтую перашкоду, пакуль невядома.