Уладзімір Макей / Еўрарадыё
У Беларусі ўведзены рэжым контртэррарыстычнай аперацыі. Пра гэта ў інтэрв’ю расійскаму выданню “Известия” распавёў кіраўнік беларускага МЗС Уладзімір Макей.
"Кіраўнік нашай краіны правёў шэраг нарад з сілавымі структурамі, уведзены рэжым контртэрарыстычнай аперацыі. Сапраўды, была інфармацыя пра тое, што з боку асобных сумежных дзяржаў плануюцца правакацыі, звязаныя ледзь не з захопам асобных участкаў тэрыторыі Беларусі", — прыводзіць выданне словы Макея.
Афіцыйна пра ўвядзенне рэжыму контртэрарыстычнай аперацыі не абвяшчалася.
Гэты рэжым дае сілавікам вялізныя правы, якія можна скарыстаць для рэпрэсій. Напрыклад, падчас КТА можна абмяжоўваць перамяшчэнні людзей і транспарту (у тым ліку і дыпламатычнага) у яе зоне і выезд з яе. Таксама сілавікі змогуць неабмежавана затрымліваць і даглядаць людзей, карыстацца іх сродкамі сувязі і транспартам.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут