Лясны пажар у Чарнобыльскай зоне лакалізавалі, але не патушылі

Чытаць болей: Маштабны пажар у Чарнобыльскай зоне каля "радыяцыйнага лесу" (фота)

На месцы працуюць 35 адзінак спецыяльнай тэхнікі і 150 чалавек. У тушэнні пажару прымаюць удзел верталёт Мі-8 і два самалёты АН-32П, якія ўжо скінулі больш за 150 тон вады. Адзначаецца, што вецер нясе дым з Чарнобыльскай зоны на Кіеў. Спецыялісты супакойваюць, што радыяцыйны фон у сталіцы Украіны знаходзіцца ў межах нормы. Напярэдадні Міністэрства па надзвычайных сітуацыях Беларусі заявіла, што радыяцыйны фон у нашай краіне пасля пажару ў Чарнобыльскай зоне на ўкраінскай тэрыторыі не змяніўся.