Анатоль Лябедзька ўпэўнены, што яму не давядзецца вылучацца на пасаду старшыні Аб'яднанай грамадзянскай партыі на новы тэрмін. Пра гэта ён заявіў у жывым эфіры Еўрарадыё.
Палітык адзначыў, што пра сваё нежаданне вылучацца кіраўніком партыі ён заявіў на партыйным з'ездзе два гады таму. Цяпер, па яго словах, гэтае рашэнне не змянілася.
Разам з тым Лябедзька не выключае, што нешта можа змяніцца. "На 99,5% я ўпэўнены, што гэтае рашэнне не зменіцца. Але гэтыя 0,5% я пакідаю, бо Беларусь краіна вельмі непрадказальная", — пракаментаваў ён.
Анатоль Лябедзька кіруе АГП ужо дзявяты тэрмін.