Фонд прэзідэнта па падтрымцы культуры і мастацтва вылучыць грошы для трох праектаў. Адпаведнае распараджэнне №113рп "Аб падтрымцы культуры і мастацтва" падпісаў Аляксандр Лукашэнка, перадае БЕЛТА.
Гэта праекты па рэстаўрацыйных работах у Косаўскім палацава-паркавым ансамблі, а таксама кансервацыя і рэстаўрацыя Гальшанскага і Крэўскага замкаў.
Крэўскі замак быў збудаваны ў XIV стагоддзі паводле загаду вялікага князя Альгерда на месцы старога драўлянага замка. Гальшанскі замак быў рэзідэнцыяй магнацкага роду Сапегаў у XVI—XVII стагоддзях. Косаўскі палац Пуслоўскіх узведзены ў ХІХ стагоддзі.