Справядлівых прэзідэнцкіх выбараў пры жыцці Аляксандра Лукашэнкі не будзе. Пра гэта ён сам заявіў падчас выступу перад рабочымі на Мінскім заводзе колавых цягачоў.
Падчас выступу на заводскай пляцоўцы Лукашэнка запытаўся ў рабочых : "Вы кажаце пра несправядлівыя выбары і хочаце правесці справядлівыя?"
"Так!" — адказалі прысутныя.
Пасля гэтага прагучала фраза: "Адказваю вам на гэтае пытанне. Мы правялі выбары. Пакуль вы мяне не заб'яце, іншых выбараў не будзе".
Агенцтва БЕЛТА цытуе яго выказванне ў іншай фармулёўцы: "Ніколі вы ад мяне не дачакаецеся, каб я пад ціскам нешта зрабіў. Іх не будзе".
Пасля заявы Лукашэнкі рабочыя пачалі свістаць і крычаць "Сыходзь!".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
To see this content visit the full version of this page.