Затрыманне на беларуска-латвійскай мяжы / rs.gov.lv
Латвійскія памежнікі ўжо другі раз за месяц ужылі зброю, каб затрымаць мігрантаў на мяжы з Беларуссю. Гэта адбылося ў нядзелю, 20 жніўня, паведамляе прэс-служба ведамства.
Патруль у Сіленскай воласці заўважыў прыкметы парушэння мяжы. Парушальнікаў шукалі з дапамогай службовага сабакі. Памежнікі знайшлі чатырох кангалезцаў і аднаго сенегальца. Мігранты не падпарадкаваліся патрабаванням памежнікаў і паспрабавалі ўцячы.
Памежнікі зрабілі папераджальны стрэл у паветра, пасля чаго змаглі затрымаць мігрантаў. У выніку іх выдалілі з краіны.
Як распавядала Еўрарадыё, аналагічны выпадак адбыўся на пачатку жніўня. Тады памежнікі, якім таксама давялося страляць у паветра, затрымалі васьмярых мігрантаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут