Куля ў канверце, зніклы эканаміст і аднаполыя шлюбы ў Тайландзе — #ІхНоравы

Чытаць болей: Китай не поставит на БЖД электровозы, чтобы не злить США

Дзе эканаміст цяпер і што з ім, невядома. Яго імя знікла са спісаў супрацоўнікаў CASS, ён не адказаў на электронныя лісты журналістаў WSJ і Guardian. У яго пекінскай кватэры ніхто не адчыніў дзверы. Кітайскае ведамства, якое займаецца запытамі СМІ, не адрэагавала на просьбу пра каментар.

Раней кітайскія навукоўцы расказвалі Guardian пра ўсё большую боязь даваць негатыўныя ацэнкі эканамічнай, сацыяльнай ці палітычнай сітуацыі ў Кітаі праз пагрозу рэпрэсій. Як адзначае Guardian, CASS раней рыхтавала даволі сумленныя аналізы, цяпер жа ў акадэміі праводзяць заняткі "па палітычнай дысцыпліне", дзе надаецца вялікая ўвага лаяльнасці партыі і ідэалогіі Сі Цзіньпіна.

Усё гэта адбываецца на фоне змагання Кітая з працяглым запаволеннем росту эканомікі, выкліканым праблемамі ў сектары нерухомасці. Эканамісты выказвалі асцярогі што да запазычанасці краіны і здольнасці ўрада дасягнуць росту ў 5%. Некаторыя эксперты крытыкавалі намаганні прэзідэнта Сі стымуляваць эканоміку як "недастатковыя".

Тайланд стаў першай краінай у Паўднёва-Усходняй Азіі, якая легалізавала аднаполыя шлюбы

Кароль Тайланда Маха Вачыралангкорн падпісаў закон, які дазваляе заключаць у краіне аднаполыя шлюбы, перадае France 24. Гэта першая краіна ў рэгіёне, якая пайшла на такі крок.

Чытаць болей: Грэцыя першая з праваслаўных краін узаконіла аднаполыя шлюбы

Што важна, у законе выкарыстоўваюцца гендарна нейтральныя тэрміны замест "мужчына", "жанчына", "муж" і "жонка". Дакумент таксама дазваляе аднаполым парам усынаўляць дзяцей і станавіцца спадкаемцамі.

Тайскія актывісты больш за 10 гадоў патрабавалі ўзаконіць такія шлюбы. Афіцыйная ўхвала закона каралём стала кульмінацыяй шматгадовай кампаніі і няўдалых спробаў прыняцця падобных дакументаў.

Першых вяселляў чакаюць ужо ў студзені.

Прэм'ер-міністр Славакіі атрымаў кулю… у канверце

Сёння прэм'ер-міністр Славакіі Роберт Фіца атрымаў пагрозлівы канверт з куляй. Уся ягоная карэспандэнцыя праходзіць папярэднюю праверку службамі бяспекі, якія і звярнулі ўвагу на падазроны ліст. Падчас рэнтгенаўскага даследавання ўнутры канверта была выяўленая куля.

Цяпер справу расследуе славацкая паліцыя, а прэм’еру нічога не пагражае.

Чытаць болей: Ці стане стрэл у славацкага прэм’ера Фіца пачаткам сусветнай вайны — эфір

15 траўня на Фіца быў здзейснены замах. 71-гадовы Юрай Цынтула некалькі разоў стрэліў у яго з блізкай адлегласці. Матывам ён назваў нязгоду з палітыкай прэм'ер-міністра, у прыватнасці, з адмовай дапамагчы Украіне.

Карэйская чэмпіёнка па стральбе, якая запомнілася з Алімпіяды-2024, атрымала ролю ў кіно

Паўднёвакарэйская спартоўка Кім Е Джы, якая стала зоркай сацсетак пасля выступлення на сёлетняй Алімпіядзе, атрымала першую ролю ў кіно.

Джы сыграе наёмную забойцу ў міні-серыяле "Crush", які стане спін-офам фільма "Азія". Спартоўка здымецца разам з папулярнай індыйскай акторкай Анушкай Сэн.