Краіны Балтыі палічылі адказ Беларусі на свой запыт "недастатковым", паведамляе МЗС Эстоніі. Яны скарысталіся Венскім дакументам АБСЕ, каб атрымаць тлумачэнні пра ваенную актыўнасць у нашай краіне, незвычайную канцэнтрацыю ўзброеных сіл для вучэнняў, пра колькасць беларускіх і расійскіх вайскоўцаў, пра тое, ці вернуцца расіяне пасля вучэнняў на радзіму. У адпаведнасці з міжнароднымі абавязальніцтвамі, на адказ афіцыйны Мінск меў 48 гадзін і ў гэты тэрмін уклаўся.
Ёсць звесткі, што ў адказе, які краіны Балтыі атрымалі 11 лютага, у прыватнасці, утрымліваецца словы, што частка расійскіх вайскоўцаў "выконваюць задачы па-за межамі вучэнняў". Напрыклад, удзельнічаюць у... ахове беларуска-украінскай мяжы. Аднак пасля вучэнняў усе яны павінны вярнуцца ў Расію.
Краіны Балтыі будуць дамагацца атрымання поўнай інфармацыі, у тым ліку праз правядзенне далейшых кансультацый з уладамі Беларусі. Магчыма, з удзелам "іншых зацікаўленых бакоў АБСЕ".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут