Адэса, 15 сакавіка 2024-га
Колькасць загінулых у выніку расійскай ракетнай атакі 15 сакавіка на Адэсу павялічылася да 20. Яшчэ больш за 70 чалавек атрымалі раненні. 10 з іх знаходзяцца ў цяжкім стане. Сотні людзей здалі кроў для пацярпелых, паведамляе hromadske.ua.
Адэсу атакавалі двума балістычнымі ракетамі "Іскандэр-М", якія выпусцілі з часова акупаванага Крыма. На месцы першага патраплення ўзнік пажар. Калі туды прыехалі ратавальнікі і пачалі тушыць агонь, разбіраць завалы, шукаць пацярпелых, прыляцела другая ракета. Сярод загінулых ёсць выратавальнік і фельчар.
Пашкоджанні атрымала грамадзянская інфраструктура: жылыя дамы, гаспадарчыя пабудовы, аўтатранспарт.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут