Беларусь на “Еўрабачанні-2019” прадставіць 16-гадовая спявачка Зена. Згодна з галасаваннем журы (толькі яно сёлета вырашала, каго адправіць на конкурс), дзяўчына перамагла ў фінале нацыянальнага адбору, які прайшоў позна ўвечары 7 сакавіка ў Белтэлерадыёкампаніі.
На другім месцы апынуўся нігерыйска-беларускі дуэт Mirex&BLGN, на трэцім — швед Себасцьян Роас.
Нам падалося, што колеры сёлетняга адбору — белы, чорны і фіялетавы. Яны прысутнічалі ў касцюмах вядучых і артыстаў, элементах афармлення сцэны і нумароў. Глядзіце, як шоў выглядала ў аб’ектыве фатографа Еўрарадыё.