Беларускі клуб гуляе ў чэмпіянаце Польшчы ў B-класе, у восьмым дывізіёне / BKS Pahonia Warszawa
Футбольны клуб "Пагоня", створаны беларусамі ў Варшаве, паказаў свой новы лагатып. Стары трапіў у скандальную гісторыю праз падабенства з лагатыпам Федэрацыі футбола Літвы.
Літоўскай федэрацыі футбола было прапанавана ў знак прымірэння арганізаваць таварыскі матч, “які стане сімвалам дружбы і ўзаемнай павагі”. Але футбольныя чыноўнікі не адказалі на гэтую прапанову беларусаў.
Нагадаем, "Пагоня" атрымала права ўдзельнічаць у чэмпіянаце Польшчы, гуляючы толькі беларускімі футбалістамі.
У чэмпіянаце Польшчы ў B‑класе, у восьмым дывізіёне, “Пагоня” ідзе на шостым месцы, сыграўшы дзевяць тураў і маючы чатыры матчы ў запасе.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут