Пуцін і Сі / AFP
Кітайская медыякарпарацыя прымусіла Reuters выдаліць відэа размовы Пуціна і Сі Цзіньпіна пра перасадку органаў і жыццё да 150 гадоў. Адмовіцца выдаляць ролік Reuters не магло, бо аўтарскія правы належаць дзяржаўнаму тэлеканалу CCTV.
На CCTV заявілі, што "рэдакцыйная апрацоўка матэрыялу прывяла да відавочнага скажэння фактаў і сцвярджэнняў". У той жа час у Reuters гэта адмаўляюць.
Дарэчы, размова палітыкаў пра трансплантацыю ў Кітаі можа гучаць двухсэнсоўна. Справа ў тым, што ўжо не першае дзесяцігоддзе праваабаронцы, у тым ліку з ААН, занепакоеныя практыкай прымусовага даставання органаў у вязняў з ліку этнічных ці рэлігійных меншасцяў — напрыклад, уйгураў. Кітай — адзін з лідараў у "чорнай транспланталогіі", пры наяўнасці вялікіх грошай тут можна вельмі хутка зрабіць перасадку любога органа.
To see this content visit the full version of this page.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут