Кіруючая ў Германіі партыя ХДС абрала новага лідара. На змену Ангеле Меркель прыйшла 56-гадовая Аннегрэт Крамп-Карэнбаўэр, перадае Бі-Бі-Сі.
На з'ездзе Хрысціянска-дэмакратычнага саюза ў пятніцу ў Гамбургу яна атрымала 517 галасоў з 999.
Крамп-Карэнбаўэр лічыцца пратэжэ Меркель. Яна была прэм'ер-міністрам нямецкай зямлі Саарланд, а апошні год — генеральным сакратаром партыі, то бок кіраўніком апарата ХДС.
Ангела Меркель напрыканцы кастрычніка абвясціла, што пакіне пасаду старшыні партыі пасля няўдачы ХДС на выбарах у Баварыі і Гесэне. Разам з тым яна паведаміла, што на пасадзе канцлера застанецца да канца тэрміну — да восені 2021 года.