Дапамога ратавальнікаў спатрэбілася пры аўтааварыі, якая адбылася ўвечары 23 снежня ў Стаўбцоўскім раёне. Як паведамляе прэс-служба МНС, на трасе M-1 каля вёскі Залужжа сутыкнуліся мікрааўтобус "Фальксваген Т5" і ЗіЛ з прычэпам. Грузавік, гружаны морквай, накіроўваўся ў цэх захоўвання ў Мінскі раён.
Дарэчы, і мікрааўтобус і грузавік ехалі ў адным напрамку. У мікрааўтобусе пры аварыі пацярпелі тры пасажыры, якіх яшчэ да прыбыцця ратавальнікаў даставілі ў лякарню. У іх — траўмы рознай ступені цяжкасці.
Яшчэ аднаму 30-гадоваму пасажыру спатрэбілася дапамога ратавальнікаў: яго давялося дэблакаваць з дапамогай спецыяльнага прыстасавання. Мужчына ў цяжкім стане дастаўлены ў рэанімацыю.
Кіроўцы пры аварыі не пацярпелі.
Фота: mchs.gov.by