Пажары на Палтаўшчыне пасля расійскай атакі / ДСНС Украіны
У ноч на 26 лютага расійскія войскі атакавалі рэгіёны Украіны ракетамі і ўдарнымі беспілотнікамі. Вядома аб прынамсі 23 пацярпелых у Харкаўскай вобласці, Запарожжы і Крывым Рогу.
У Палтаўскай вобласці пашкоджаныя аб'екты прамысловага прадпрыемства. У выніку без святла засталіся тысячы людзей, перадае hromadske.ua са спасылкай на начальніка абласной ваеннай адміністрацыі Віталя Дзякіўніча.
Пашкоджанні былі і ў выніку падзення абломкаў, і ў выніку прамых пападанняў. Аднак пацярпелых, на шчасце, не было.
Без электрычнасці засталіся 18 209 бытавых спажыўцоў і 1781 юрыдычны спажывец.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут